Lacio është rikthyer te fitorja në kampionat, teksa ka mposhtur me rezultatin 2-0 Napolin, në atë që ishte kryendeshja e Serisë A për xhiron e 13-të.
Ishte i zakonshmi Çiro Imobile, i cili kaloi lacialët në avantazh, duke shënuar në minutën e 9’, ku pas një krosimi perfekt të marrë nga Marusicc gjuan bukur me kokë dhe topi ndalet në rrjetë. Pas kësaj Napoli u përpoq të reagojë, duke tentuar të barazonte rezultatin, por pa sukses.
Pjesa e dytë nisi përsëri me gol, pasi ishte Luis Alberto i cili shënoi golin e dytë për Lacion, pas një asisti nga Imobile. Napoli e kishte thuajse të pamundur të gjente të paktën një gol dhe Lacio e Inzagit mori kështu një fitore të rëndësishme, që i ngjit ata në vendin e 8-të me 21 pikë, ndërsa Napoli mbetet i pesti me 23 pikë.
Tek të dyja skuadrat për ndeshjen e sotme ishin 5 shqiptarë, Strakosha, Muriqi dhe Alia te Lacio dhe Hysaj me Rrahmanin te Napoli, të gjithë e nisën nga stoli.
FT: LACIO-NAPOLI 2-0
FORMACIONET ZYRTARE:
LACIO: Reina, Açerbi, Radu, Felipe Ruiz, Lazari, Murisiç, Eskalante, Luis Alberto, Milinkoviç-Saviç, Kaisedo, Imobile.
NAPOLI: Ospina, Mario Rui, Kulibali, Maksimoviç, Di Lorenco, Zielinski, Bakalojo, Fabian Ruiz, Lozano, Politano, Pentanja.