700 emigrantë kanë mbërritur ditën e djeshme në mënyrë të paligjshme në Britaninë e Madhe, ku mes tyre ka pasur edhe shqiptarë. Media britanike, “Daily Mail” shkruan se të paktën 16 varka mbërritën në jug të Anglisë, ndërsa kontrabandistët në bregdetin francez u përpoqën të përfitonin nga kushtet e mira të motit.
Janë publikuar edhe disa foto të emigrantëve që kanë mbërritur në Britani, ku një prej tyre shihet se bën shqiponjën, simbolin e flamurit shqiptar.
Mediat britanike raportojnë se në një deklaratë të fundit, kryeministri Rishi Sunak tha se frenimi i kalimeve ilegale me gomone, mund të mos ketë marrë rrugën e duhur përpara zgjedhjeve të përgjithshme të vitit të ardhshëm.