Deri më tani janë 9 nga 16 skuadrat që janë kualifikuar për në turin tjetër të Champions League, kur kanë mbetur edhe një ndeshje për disa ekipe dhe dy për disa të tjera që luajnë sonte.
Mbrëmjen e djeshme siguruan kualifikimin Chelsea, Dortmund, PSG dhe Benfica, ndërkohë që më parë kishin siguruar kualifikimin edhe Manchester City e Real Madrid.
Gjithashtu ka siguruar kualifikimin edhe Club Brugge në grupin B me dy ndeshje ende pa luajtur. Napoli ka pasur një ecuri perfekte në grupin e saj me 4 fitore në 4 ndeshje, ndërkohë që të njëjtën gjë ka bërë dhe Bayerni, duke qenë dy ekipet e vetme dhe më të mira deri më tani.