Një 42-vjeçar nga Çorovoda është vënë në pranga nga policia pasi drejtonte mjetin në gjendje të dehur dhe iu gjet me vete një sasi kanabisi.
Sipas policisë, i arrestuar është F. Ç., 42 vjeç. Në segmentin rrugor Bogovë – Poliçan, në vendin e quajtur “Pronovik”, gjatë kontrollit të ushtruar në mjetin që drejtonte iu gjet dhe sekuestrua në cilesinë e provës materiale një sasi e vogël lëndë narkotike e dyshuar si Cannabis Sattiva, si dhe gjatë testit të alkoolit rezultoi në gjendje të dehur në masën 0.61 mg/l.
Materialet i kaluan Prokurorisë së Rrethit Gjyqësor Berat për veprat penale “Prodhim dhe shitje të lëndëve narkotike”,”Drejtimi i mjetit në mënyrë të pa rregullt”, parashikuar nga nenet 283 dhe 291 të Kodit Penal.
