Dhimbje, fryrje të barkut dhe ndryshim humori janë disa nga shenjat e asaj periudhë të muajit kur hamë ndonjë gjë më shumë. Një studim i ri ka llogaritur kaloritë ekstra që merren nga gratë gjatë periudhës para menstruale dhe nga rezultatet bëhet fjalë për 500 kalori më shumë.
Shumë prej tyre e kanë vënë re se para ciklit oreksi shtohet dhe studime të ndryshme kanë shpjeguar se si kjo tendencë lidhet me hormonet e gabuara: niveli i seratoninës në turp ka tendencën të bjerë, duke marrë më shumë karbohidrate për të plotësuar deficitin dhe buka dhe makaronat janë tmerrësisht më të dëshiruarat. Por sa na kushton saktësisht këto kalori mujore ?
Studimi i publikuar në revistën Annals of Endocrinology të drejtuar nga Instituti Kombëtar i Ushqimit dhe Teknologjisë Ushqimore në Tunizi i është përgjigjur pyetjes. Nga studimi doli se mes ditës së parë dhe të tretë të ciklit konsumoheshin mesatarisht 1688 kalori, ndërsa ditët para ardhjes së ciklit menstrual, kjo shtohet me 476 kalori më shumë.
Gjithmonë sipas kësaj analize, është gjetur se nuk shtohej sasia e vakteve kryesore por i lihet më shumë hapësirë mes-vakteve, në veçanti ëmbëlsirave dhe çokollatës. Kjo lidhet me ndryshimin e nivelit hormonal dhe oreksit. Këshilla e shkencëtarëve është që të mos e konceptoni këtë uri të shtuar si një problem. Nëse është e vërtetë që mund të merrni pak peshë në fazën para menstruale, e vërtetë është dhe fakti se konsumohet energji më e madhe për të sjellë në normalitet rezultatin në peshore.