Zbardhen detaje të reja për vrasjen e Armando Gjinit, i njohur edhe si Tonin Gjini mesditën e djeshme në qendër të qytetit të Rrëshenit.
Burime bëjnë me dije se hetimet deri më tani janë përqendruar në dy pista. Policia dyshon se vrasja erdhi si pasojë e prishjes së pazareve të drogës.
Ndërkohë, po ashtu nuk përjashtohet edhe mundësia e një konflikti të mundshëm me grupin e Met Kananit, i njohur si ‘Baroni i drogës’, pjesë e të cilit ka qenë edhe Gjini.
Ndërkohë, për hetuesit është e sigurtë tashmë se ekzekutimi është kryer nga një vrasës me pagesë.
48-vjeçari Gjini u ekzekutua dje në automjetin e tij, ndërsa më herët i kishte shpëtuar një tjetër atentati. Në maj të këtij viti, atij i vendosën eksploziv në makinë, shpërthimi i të cili shkaktoi vetëm dëme materiale.