Gazetarja Lindita Koka shprehet e shqetësuar në lidhje me dëmet e shkaktuara nga zjarret në pyjet pranë qytetit bregdetar të Shëngjinit, pikërisht tani kur ky qytet është tejet i populluar nga pushues shqiptarë e të huaj. Ajo shprehet në rrjetin social Facebook se personat që shkaktuan këtë dëm të pallogaritshëm nëse nuk ndëshkohen nga ligji, do të ndëshkohen nga Zoti.
Postimi i Kokës:
Kurora e gjelbërt e Shëngjinit para zjarreve të gushtit 2016, dhe pas zjarreve të gushtit 2016 dhe 2019.
Frymëmarrja e qytetit turistik u dëmtua thuajse tërësisht nga zjarret.
Të qëllimshme apo jo të tilla, nga individ të thjeshtë apo njerëz me pushtet ndër vite, kushdo qoftë, nëse për “Mëkatin tënd” nuk do të ndëshkohesh para ligjit, para Zotit do të vijë dita të gjykohesh”, shkruan Lindita Koka, gazetarja e njohur lezhjane.




