Një ngjarje e rëndë ka ndodhur në Zvicër, ku një shqiptar i Maqedonisë së Veriut ka vrarë gruan e tij. Ngjarja ka ndodhur pasditen e së hënës, ndërsa autori u kap pasditen e sotme.
Mediat në Zvicër raportojnë se bëhet fjalë për shtetasin Ilir B., 37 vjeç i cili vrau gruan Luiza B., 34 vjeçe. Familjarët thonë se çifti jetonte i ndarë, ndërsa shprehin frikë për ndonjë hakmarrje të mundshme nga ana e familjarëve të viktimës.
“Ne kemi frikë nga gjakmarrja. Ne duhet të presim një sulm nga familja e Luizës”, thotë kushëriri i Ilir B., rreth 30 vjeç.
“Ne jemi të gjithë shqiptarë. Nuk ka rëndësi që jetojmë në Zvicër”, tha më tej ai. 37-vjeçari pasi u lejua ti vizitonte sërish fëmijët, mori një shtëpi me qera pranë shtëpisë së tyre.
