Një 52-vjeçar i kishte dhënë fund jetës në shtëpinë me qira ku jetonte i vetëm. Ka qenë era e keqe e trupit të tij që alarmoi fqinjët, të cilët kishin parëa nga dera skenën e krimit, po pa mundur ta shohin të plotë.
Njoftimi që ata bënë në polici ishte një njeri me kokë të prerë. Po në fakt 52-vjeçari shqiptar kisht varur veten.
Karabinierët mbërritën në vendngjarje dhe sipas një kqyrje paraprake të trupit, ai mund të ketë kryer aktin ekstrem të paktën 10 ditë më parë.
Fakti që trupi kishte qëndruar i varur prej 10 ditësh dhe temperaturat e larta, kishin shkaktuar erën e padurueshme. Fqinjët kanë raportuar se shqiptari jetonte i vetëm aty prej disa kohësh.
“Ai ishte një person i mirë dhe shumë punëtor. Nuk e kishim parë atë për disa ditë. Ishte një person shumë i mbyllur dhe nuk mund ta imagjinonim kurrë një dramë si kjo”, thonë fqinjët.
Fillimisht ata menduan se era e keqe vinte nga trupat e kafshëve të ngordhura, derisa katër ditët e fundit ajo u bë e padurueshme. Duket se kohët e fundit viktima është izoluar gjithnjë e më shumë.
Dhe në murin e dhomës u gjetën disa fletë ngjitëse, pjesërisht të shkruara në italisht dhe të tjera në shqip. Fraza të tilla si “ne vijmë nga Zoti dhe do të kthehemi te Zoti”, “Unë shkoj tek Perëndia ime”.
Policia ende nuk ka dalë në një përfundim zyrtar për shkaqet e vdekjes,por paraprakisht dyshohet për vetëvrasje. Trupi ndodhet në morg, ku po i nënshtrohet ekspertizës mjeko-ligjore.
