Gentjan Stojku nuk do të jetë më trajneri i skuadrës matjane të futbollit. Pak orë më parë stafi drejtues i klubit ka vendosur shkarkimin e teknikut që në gjashtë ndeshje, të Kampionatit dhe të Kupës, ka pësuar 5 humbje dhe ka arritur vetëm një fitore.
Në katër ndeshjet e kampionatit Burreli ka fituar një ndeshje dhe ka pësuar tri humbje, duke siguruar vetëm tri pikë. Stojku nuk e ka kundërshtuar vendimin e klubit, pasi edhe ai është bindur se nuk mund ta drejtojë më tej ekipin e qytetit verilindor.
Pas këtij vendimi me siguri skuadra e Burrelit do të ketë tjetër trajner, i cili do të ketë përgjegjësi të mëdha për t’a ngjitur ekipin më lart në renditje. /Tirananews.al/