Zbardhet dosja e hetimit të 25 personave për evazion fiskal, që çoi në pranga 13 persona ndërsa u shpallën në kërkim 12 të tjerë.
Gazetarja Klodiana Lala raporton për ‘BalkanWeb’ se këto subjektet krijuan një skemë mashtrimi për shmangien e TVSH-së.
Në dosjen në fjalë të prokurorisë thuhet se 12 administratorë janë nën hetim. Po ashtu bëhet e ditur se administratorë të subjekteve të dyshuara fiktive kanë lëshuar fatura të falsifikuara për subjekte të treta me një dem për buxhetin e shtetit prej 18 miliardë lekë.
Në skemën e mashtrimit me TVSH-në janë të përfshira 20 kompani, ndërkohë që në hetim jane dhe 4 kompani kontabël. Dosja përcakton se subjektet ishin pa kapacitete për ushtrimin e aktivitetit në vlera të larta duke bërë kështu diçka ndryshe nga ajo çka ishte deklaruar.
