“Shumë i lumtur që sot pritëm në ambientet e Prefekturës Kryeministrin Edi Rama i shoqëruar nga Kryetari i Grupit Parlamentar të Partisë Socialiste Taulant Balla, Kryetarin e Bashkisë Elbasan, Qazim Sejdini dhe disa deputetë të qarkut ku u prezantuan disa projekte të rëndësishme për zhvillimin e mëtejshëm të Elbasanit”, shprehet Gledian Llatja, prefekti i Elbasanit dhe kandidati i mundshëm për kryetar bashkie në këtë bashki.
Në vijim ai thotë se në takim theksuam se bashkëpunimi ndërinstitucional është mjaft i rëndësishëm për të çuar përpara projektet e rëndësishme të Qarkut të Elbasanit. Kryetari i Bashkisë së Elbasanit Sejdini prezantoi disa projekte të rëndësishme për zhvillimin e mëtejshëm të Elbasanit.
Sejdini u ndal tek nevoja emergjente për rikonstruksionin e përroit të Zaranikës duke paraqitur projektin e gatshëm tashmë. Po ashtu Kryetari i Bashkisë paraqiti para Kryeministrit dhe të pranishmëve projektin për shndërrimin e Treganit, zona më e rëndësishme në vend që ofron shërbimin e ujërave termale. Loti i dytë i investimit për furnizimin 24 orë me ujë të pijshëm të qytetit të Elbasanit është po kaq i rëndësishëm.
Ishte githashtu një kënaqësi që së bashku me Kryeministrin, Ministren e Shëndetësisë dhe grupin e deputetëve, më herët inspektuam investimet në spitalin rajonal të Elbasanit ku së fundmi ofrohet shërbimi i rezonancës magnetike dhe ekografia dixhitale.
Punët vazhdojnë me ecurinë e punimeve për rikonstruksionin total të ish godinës së dikurshme të kirurgjisë e cila do të jetë urgjenca e re e spitalit rajonal të Elbasanit me kushte dhe standardet e kërkuara për të ofruar shërbim dinjitoz për pacientët.