Një emigrant ilegal shqiptar që po ngiste makinën me mbi 100 kilometra në orë ndërsa trafikonte drogë në Worcester po përballet me dëbimin.
Elton Keqa u ndalua në M5 afër Worcester me mbi 1 kg’ kanabisit boçe. Ai tërhoqi vëmendjen e policisë për shkak të shpejtësisë së lartë.
21-vjeçari pranoi posedimin e kanabisit me qëllim furnizimin dhe drejtimin e mjetit pas siguracion, kur u paraqit të hënën në Gjykatën mbretërore të Worcester. Keqa, i cili foli përmes një përkthyesi, u ndalua nga policia më datë 3 janar të këtij.
Kur u ndalua nga policia, ai tha se kishte në Britani rreth katër muaj.
Paul Whitfield, duke ndjekur penalisht rastin, tha se në pjesën e pasagjerit pikasën një çantë transportuese e cila përmbante mbi një kg kanabis.
Droga vlerësohet të kapë një shifër deri në 7 mijë paund nëse do të shitej me shumicë, por dukshëm më shumë në shitjen me porcione.
Ai gjithashtu u gjet në posedim të 265 £ dhe tre telefona celularë.
Në intervistën policore ai u përgjigj ‘pa koment’ për pyetjet e bëra, shkruajnë mediat britanike.
Whitfield tha se çuditërisht, asgjë nuk ishte regjistruar kundër tij ‘në këtë juridiksion’.
Nga tre telefonat e sekuestruar njëri ishte thyer, tjetri ishte një iPhone zëvendësues dhe telefoni Nokia i ishte dhënë atij nga personi që e udhëzonte të transportonte drogën në zonën Worcester.
Telefonat nuk ishin analizuar nga Shërbimi i Prokurorisë.