Paulo Dybala e shpjegon kështu humbjen e parë të këtij sezoni të Juventusit. “Kur jeni mësuar vetëm duke fituar, humbja të dhemb. Le të kthehemi së bashku dhe të reagojmë së bashku!” Argjentinasi reagoi në profilin e tij në rrjetet sociale, pas eliminimit të “Zonjës së Vjetër” ndaj Atalantës në çerekfinale të Kupës së Italisë.
Sulmuesi argjentinas, së bashku me mesazhin, gjithashtu publikoi një foto bardhë e zi, që e fokuson atë nga prapa, duke mbajtur topin nën krahun e djathtë. Në pak minuta, postimi i Dybala, i botuar në Facebook, Tëitter dhe Instagram, ka marrë shumë komente nga tifozët e Juventusit dhe shumë pëlqime.
Në Instagram, në postimin e Dybala bënë “like” shumë shokë të argjentinasit (përfshirë Alejandro Gomez nga Atalanta), si Douglas Costa, Blaise Matuidi, Charles Pinsoglio, Leonardo Spinazzola, Joao Cancelo, Mattia Perin dhe Rodrigo Bentancur.
