Anterio Kaloshi, miku i killerit të rrezikshëm Orges Bilbili, që u vu në pranga më datë 10 prill të këtij viti, në zonën e Xhamllikut në Tiranë, është arrestuar sot.
Kaloshi është kapur pasditen e sotme gjatë një aksioni policor që është zhvilluar në Qesarakë, për prangosjen e të përfshirëve në sulmin me armë në Tushemisht.
Ai ishte nën shoqërinë e Meard Berberit, të arrestuarit për atentatin ndaj familjes Muçollari, në momentin që është arrestuar.
Gjatë aksionit, Kaloshit dhe Berberit u janë gjetur edhe armë zjarri, të cilat janë sekuestruar.