Venera Lumai dhe Lindi Islami, çifti që mund të kthejë cdo këngë në një dedikim romantik, së fundmi kanë bërë një cover të këngë së njohur të Jondia Maliqit “Jam bërë si ti”. Jo vetëm fansat dhe dëgjuesit e muzikës së tyre e kanë pëlqyer, por edhe vetë Jonida e cila e ka ripostuar video-n e tyre në Instagram-in e saj. Për këngëtaren ata janë “një dashuri e vërtetë”, po ashtu edhe çifti më i mirë, që kanë bërë cover-in më të mirë, pra më të mirët e botës.
Këtë e ka konfirmuar edhe Sidrit Bejleri, i cili ka përfituar nga ky postim për të rihapur edhe një herë rivalitetin e “The Voice”. Sidriti, një nga trajnerët më jetëgjatë të talent show-t, i rikujton Jonidës, e cila ishte trajnere në sezonin e pestë, që Venera dhe Lindi kanë qenë pjesë e skuadrës së tij në program, po ashtu edhe Lorenc Hasrama, që nuk është se kishte lidhje në këtë moment, por le ta kujtojmë pse jo.
Në fakt, duke marrë parasysh këngëtarët që ka lançuar “The Voice”, Sidritin mund ta gjejmë duke komentuar në shumë video në Instagram, por gjithsesi le të mbetemi te Venera dhe Lindi. Kjo është video-ja që rindezi edhe njëherë konkurencën muzikore mes trajnerëve dhe sigurisht një nga cover-at më të bukur të dyshes.