Soni Malaj është ndër figurat publike më hermetike në shoëbiz-in shqiptar, duke vendosur një mur të madh mes jetës publike dhe asaj personale.
Ndonëse vajza e asaj, Ana, është 8 vjeçe fotografitë që këngëtarja ndan me të voglën në rrjetet sociale janë shumë, por shumë fare të rralla.
Pas shumë kohësh, Soni ka publikuar pasditen e sotme një foto me Anën në Instagram, ku ndonëse ka preferuar mos ta ndajë me ndjekësit profilin e të voglës, vihet re se ajo është rritur goxha.
“Dashuri pa kushte!”- ka shkruar mbi foto Soni.
Këngëtarja ka treguar në intervista të ndryshme se fakti që ajo nuk publikon foto të Anës lidhet ndër të tjera me dy arsye:
Ana ka dy nënshtetësi, italiane dhe shqiptare dhe për sytë e tyre unë jam shumë e famshme. Ata nuk e shohin me sy të mirë publikimin e fëmijëve. Kanë ligje të forta në këtë aspekt. Por edhe Mirko e ka me merak dhe unë respektoj edhe dëshirën e tij.- tregonte ajo dy vite më parë në një intervistë për “Rudina”.
Kujtojmë se Soni Malaj ka disa vite që po shijon romancën e saj me Klevin, një djalë i panjohur për publikun, me të cilin po ashtu poston shumë pak foto.
