Kryeministri Edi Rama ka reaguar në Twitter lidhur me situatën e krijuar në vend për shkak të protestave që shpërthyen pas vrasjes nga efektivi të 25-vjeçarit Klodjan Rasha.
Duke fajësuar presidentin Meta dhe ish kryeministrit Sali Berisha për ngjarjet në vend, ai thotë se ta harrojnë ëndrrëtn e tyre për “Lulin si dhëndërr i pushtetit dhe Monika si arkëtare e shtetit”.
POSTIMI I RAMES
Kur policia reagoi ndaj një provokatori famoz gjatë ushtrimit të dhunës opozitare tek Kuvendi, Ilir Meta vrapoi në spital për të vizituar heroin e dhunës! Kur policit të shtetit, i nxjerrin syrin dhunuesit me kapuçë të nxitur prej tij e Saliut, Ilir Meta dënon dhunën policore!
Sipas Ilir Metës policia nuk duhet të reagojë, po duhet të dorëzojë Tiranën dhe veten në duart e dhunuesve të verbër, që ai bashkë me Saliun të bëjnë Lulin dhëndërr të pushtetit dhe Monikën arkëtare të shtetit, si në kohët e arta të bashkëqeverisjes me plumba mbi protestuesit!
Por Iliri dhe Saliu duhet ta harrojnë se e kthejnë prapë Shqipërinë për përsheshin e tyre dhe sado ëndrra të shohë Luli duke mbajtur lugën në dorë që t’i vijë gjella e Monikës, Shqipëria do të vazhdojë drejt përpara, me mund e durim, për t’u bërë ajo që duan fëmijët e saj!