Qytetarët e Vlorës janë ankuar pasi herë pas herë uu vidhej sistemi i ndriçimit të qytetit, e për këtë kishte dhe autorë.
Policia e Vlorës ka zbuluar 13 vjedhje në rrjetin e ndriçimit rrugor të qytetit bregdetare, nisur dhe nga shqetësimet e banorëve.
“Shërbimet e policisë Vlorë pas një pune të mirëorganizuar, bënë identifikimin e presonave, kapjen dhe arrestimin e njërit prej autorëve të dyshuar konkretisht shtetasin L.V, 41 vjeç, proceduan në gjendje të lirë 36 vjeçarin Z.V për shkak të problemeve shëndetësore, si dhe shpallën në kërkim shtetasin M.M, 43 vjeç, i dyshuar si bashkëautor”, thotë policia e Vlorës.
Mësohet se 36-vjeçari është proceduar në gjendje të lirë pasi vuante nga epilepsia. Nga hetimet e kryera, ka rezultuar se këta shtetas dyshohet të jenë autorë të 13 vjedhjeve të ndodhura në qytetin e Vlorës, kryesisht në sistemin elektrik dhe hidraulik të qytetit të Vlorës (kabull elektrik, materiale ndërtimore, llampa etj).
Vijojnë hetimet për dokumentimin e plotë të tyre.