Një djalë 26-vjeçar nga Thuman ka rrëfyer sot në emisionin ‘Historia ime’ fatin e keq me të cilin e ka përballur jeta. Ai ka rrëfyer nëna i ka braktisur atë dhe motrën e 3 vëllezërit e tij, pasi babai i tyre ndërroi jetë.
Ata vazhduan të jetonin të vetëm në shtëpinë e gjyshit aty ku u linden dhe u rriten. Djali tregon se u bënë 3 vite e 4 muaj ata nuk kanë kontaktuar me të ëmën që në momentin e parë që u largua nga shtëpia dhe nuk dinë se çfarë bëhet me të.
Djali: Ne jetojmë në Thumanë dhe ka qenë shtëpia në pallat.
Mirela Milori: Ndodh një fatkeqësi dhe ju ndahet babai nga jeta?
Djali: Po para 4 vitesh.
Mirela Milori: Ju mbetët vetëm me nënën, çfarë punonte nëna.
Djali: Ajo punonte pastruese, kurse ne punonim me ditë me vëllezërit. Ne jemi 1 motër dhe 4 vëllezër.
Mirela Milori: Si duket jetesa ka qenë e vështirë me ikjen e babait.
Djali: Sigurisht, nuk diskutohet. Pas një viti që vdiq babai nisën konflikte për punë shtëpie dhe pas këtyre konflikteve iku mamaja. Filluan thashetheme nga njerëzit e babait mbrapa krahëve, jo pse ta marrin, pse të rijnë këta.
Mirela Milori: Donin t’ju nxirrnin nga shtëpia, apartamenti me sa dhoma ishte?
Djali: Një dhomë e kuzhinë.
Djali tregon se e ëma i ka braktisur dhe nuk ka folur me njeri dhe nuk e priste askush një gjë të tillë. Ai mendon se ka ikur prej stresit, konflikteve, problemeve të shumta që kishin në familje dhe me njerëzit e babait të tyre. Djali tregon se u bënë 3 vite e 4 muaj që ata nuk kanë komunikuar më me të ëmës pasi u largua nga shtëpia. Madje e ëma nuk ka asnjë kontakt edhe me familjen e saj dhe askush nuk e di se ku jeton. Që pas largimit të nënës, 5 fëmijët kanë jetuar vetëm në apartament dhe me shumë vështirësi.