Le ta pranojmë. Të gjithë kemi dhënë një kompliment, që nuk e kemi ndjerë vërtet. Sidoqoftë, “komplimentet” nga njerëz që supozon t\i kesh miq, ndonjëherë nuk janë dhe aq lëvduese sa mud të duken. Disa prej fyerjeve më të mëdha mund të fshihen pas një komplimenti.
Sigurisht, miqësitë dhe marrëdhëniet janë të ndryshme. Shumë njerëz “shahen” gjithë ditën si shaka mes tyre apo tallin pjesë të caktuara. Megjithatë, nëse shihni me vëmendje ju mund të dalloni një kompliment të vërtetë nga një ofendim i maskuar apo nga një shaka mes miqsh. Ja disa fjali tipike që duhet të keni parasysh.
– Uau, gjysma veshjes tënde duket fantastike!
– Në Instagram dukesh shumë e lezetshme.
– Oh, nuk e prisja që do e merrje punën. Urime!
– Je shumë e pavarur. Prandaj s’ke gjetur dikë akoma ti.
– Lum si ti që s’e vret mendjen se si dukesh te tjerët.
– Do doja të rrija dhe unë kaq e qetë mes gjithë kësaj rrëmuje.
– Kjo prerja e re të ri shumëëë herë më mirë se ajo që kishe.
- Sa yll bëhesh kur e mban veten moj!
– Dukesh më profesionale kur i drejton flokët.
– Do doja të isha dhe unë pa asnjë përgjegjësi si ty.
– Kjo shtëpia jote e lezetshme është, si kuti.
– Po e përballon shumë më mirë se ç’mendoja unë.
– Unë s’do e vishja dot kurrë atë veshje.
– Dukesh më e gjallë me makeup.