Ministria jonë e Jashtme ka dalë me një njoftim për të gjithë ata që duan të udhëtojnë drejt Francës.
Përmes një njoftimi zyrtar, MPEJ bën me dije se si rezultat i masave të deklaruara nga autoritetet franceze për luftën ndaj pandemisë së COVID-19, shërbimi i saj konsullor do të mbetet i hapur në oraret dhe ditët e zakonshme.
Për të kufizuar sa më shumë kontaktet, në përputhje me rekomandimet e autoriteteve, sqarojmë se, përveç aplikimeve për pasaporta dhe ID, prokurave dhe rasteve urgjente për leje-kalimi, të gjitha shërbimet e tjera të kryhen nëpërmjet postës dhe portalit www.e-albania.al.
Ambasada Shqiptare në Paris u bën thirrje të gjithë qytetarëve shqiptarë, me banim të përhershëm apo të përkohshëm në Francë, që të ndjekin dhe zbatojnë udhëzimet e autoriteteve franceze mbi situatën e krijuar pas valës së dytë të pandemisë shkaktuar nga COVID-19 në Francë.
Franca ka marrë vendimin të ndryshojë masat e izolimit duke hequr ndalimqarkullimin e njerëzve dhe mjeteve, në të gjithë territorin e saj kontinental, që prej datës 20 qershor 2021.
– Prej datës 3 maj 2021, lejohet lëvizja ndër-rajonale
– Do të qëndrojnë të hapura të gjitha dyqane dhe qendrat komerciale me kapacitet të reduktuar.
– Do të qëndrojnë të hapura stadiumet, sallat e kinemave dhe teatrove me kapacitet të reduktuar.
– Do të qëndrojnë të hapura baret dhe restorantet me kapacitet të reduktuar.
– Do të qëndrojnë të hapura ambientet sportive, palestrat dhe pishinat (prioritet fëmijët dhe profesionistët sportivë)
– Të gjitha zyrat shtetërore që presin publik do të qëndrojnë të hapura sipas orareve dhe ditëve të zakonshme.
– Lejohen vizitat në strukturat që presin të moshuarit.
Transporti publik funksionon në mënyrë të reduktuar.
Franca, prej datës 24 qershor 2021, lejon hyrjen në Francë të qytetarëve shqiptarë pa patur nevojë për një arsye madhore.
Për qytetarët shqiptarë, të cilat i kanë marrë të dyja dozat e vaksinave Pfizer, Moderna dhe AstraZeneca, prej më shumë se 2 javësh, apo dozën unike të vaksinës Janssen prej më shumë se 4 javësh, nuk kërkohet test PCR apo antigjenik për tu futur në Francë.
Qytetarët e pavaksinuar duhet të paraqesin, para hypjes në avion, një test PCR negativ te realizuar jo me herët se 72 orë, ose test antigjenik negativ te realizuar jo me herët se 48 orë përpara nisjes.
Shqipëria nuk ka kusht për paraqitjen e një testi PCR apo provës së vaksinë për tu futur në territorin e saj.
Kufijtë brenda BE-së vazhdojnë të jenë të hapur me kusht që udhëtarët që futen në Francë të paraqesin një test PCR (72 orë) apo antigjenik (48 orë) negativ në kufi.