Ish-konkurrenti i “Për’puthen”, Arsimi jetoi për disa javë një histori dashurie me Ana Lleshin. Lidhja e tyre përfundoi vetëm pak kohë pasi të dy vendosën që marrëdhënien ta bënin publike.
Asokohe u tha se shkak për ndarjen e tyre u bë një debat që dyshja kanë pasur me njëri-tjetrin në distancë. Pas ndarjes ata të dy hodhën edhe disa thumba në rrjete sociale, duke treguar kështu se nuk janë ndarë fare mirë nga njëri-tjetri.
Pas kësaj Arsimi u përfol për një lidhje dashurie me Antonelën. Ata të dy u shfaqën shumë të afërt me njëri-tjetrin në vende të ndryshme si brenda, por edhe jashtë Shqipërisë. Mirëpo më vonë Arsimi sqaroi se me Antonelën nuk ka ndodhur asgjë dhe se janë thjesht miq të mirë.
“Antonela më pëlqen është një vajzë e bukur, por nuk ka asgjë mes nesh. Ne do të kemi një projekt bashkë. Bëhet fjalë për një projekt muzikor”, tha Arsimi.
Ndërkohë sot në një lidhje live në emisionin “Shqipëria Live” ai ka zbuluar se ka nisur një lidhje të re dashurie me një vajzë. Arsimi tha se vajza në fjalë nuk e njihte fare si ish-konkurrent të “Për’puthen”. Ai tregoi se partnerja e tij është 21 vjeçe me origjinë nga Kosova dhe Maqedonia. Ai tha se e dashura e tij jeton në Gjeneve dhe se ata janë shumë të lumtur me njëri-tjetrin.