Një person u ndalua nga policia pas sulmit me armë të ndodhur dy ditë më parë në Laprakë, ku humbi jetën një adoleshente dhe u plagos i dashuri i saj. 17-vjeçarja Griselda Gjikola mori plumba në kokë, kurse i dashuri i saj Erjon Benga në qafë dhe shpatull. Në pranga u vu Roland M. dhe sipas hetuesve ai ka ndihmuar autorin 19-vjeçar që qëlloi me armë.
Urdhër arresti për Roland P. është lëshuar bazuar në akuzën e përkrahjes së autorit të krimit dhe është bërë me vendim të Prokurorisë Tiranë që po heton për krimin e rëndë. I arrestuari mbahet në ambientet e Drejtorisë së Policisë Tiranë.
Në kërkim mbetet ende autori i vrasjes së Gjikolajt, i identifikuar si Robert. P, 19 vjeç nga Puka. Mendohet se ai e kishte planifikuar më parë vrasjen duke pritur Gjikolajn dhe Begën të dilnin nga lokali ku po konsumonin kafen. Uniformat blu po kryejnë kërkime për të gjetur shtetasin Robert P, ndërkohë po ekzaminohen edhe telefonat celularë të viktimës dhe të plagosurit.