Si çdo gjë që përdoret pa karar, thënë ndryshe me tepëri, vjen një moment që krijon ndjenja të përziera tek shoqëritë dhe njerëzit.
Një debat i madh në vende të ndryshme, të cilat kanë nisur të ndërhyjnë edhe ligjërisht ( si Norvegjia) po bëhet mbi përdorimin e filtrave në rrjete sociale, të cilat janë kthyer në problem mbi imazhin, sidomos tek vajzat e reja.
Gerta Heta është një nga ato vajza të njohura, që ka dalë kundër kësaj manie (edhe pse dyshojmë që dhe ajo vetë të mos i jetë dorëzuar filtrave apo efekteve të teknologjisë). Në një postim të saj, duke sjellë disa foto krahasimore, Gerta shkruan se “Filtrat dhe apps që nuk bëjnë gjë tjetër veçse i ulin vetëbesimin brezit të ri”.