Gjykata e Kukësit ka pushuar çështjen ndaj ish-kreut të këshillit të PD-së në qarkun e Kukësit, Abedin Oruçi. Ish-zyrtari i Kukësit hetohej nga prokuroria për 3 vepra penale: “Ndërtim të paligjshëm”, “kundërshtim i funksionarëve publik” dhe “kanosje për shkak të detyrës”.
Kujtojmë se më 19 tetor të vitit të shkuar, Abedin Oruçi u konflikua dhe me bodigardët e kryebashkiakut Safet Gjicit, sherr që ndodhi pak minuta pasi Gjici kishte përfunduar takimin me ambasadoren holandeze.
Gjykata ka vendosur që të hedhë poshtë akuzat e ngritura ndaj të pandehurve, Oruçit dhe bashkëpunëtorëve të tij, ndonëse nga përplasja mes tyre mbetën të plagosur 5 efektivë të Policisë së Shtetit.