Bashkia e Tiranës ka nisur një aksion të madh për pastrimin e gjithë zonës së Bregut të Lumit. Prej tri ditësh, mjetet e rënda të Bashkisë së Tiranës sëbashku me punëtorët janë duke punuar me intensitet për largimin e mbetjeve të hedhura pa kriter nga qytetarë të papërgjegjshëm.
Ky aksion i gjerë pastrimi do të vazhdojë edhe ditët në vijim gjer në pastrimin e plotë të zonës. Qytetarët që jetojnë pranë zonës së njohur si Bregu i Lumit kanë shpëtuar tashmë prej përmbytjeve që pësonin thuajse pas çdo shiu. Ndërhyrja e Bashkisë së Tiranës për rehabilitimin e gjithë kësaj zone me ndërtimin e skarpateve dhe pritave në gjithë gjatësinë e Lumit të Tiranës ka eliminuar përmbytjet. Në tetor 2013, 513 familje të cilat jetonin në zonën e Bregut të Lumit u përmbytën, ndërkohë që pas punimeve nga administrata e re e bashkise, pas vitit 2015, dalja e lumit nga shtrati është një histori e së shkuarës.