Përgjaken sërish rrugët e Shqipërisë nga aksidentet.
Mëngjesin e së dielës një 67-vjeçar ka përplasur për vdekje kalimtarin në aksin rrugor Fushë Krujë- Milot.
Sipas policisë i moshuari me inicialet E. M. ishte duke ecur në rrugë në momentin kur një makinë me drejtues T. D., 53 vjeç e përplasi. Goditja ishte fatale për të moshuarin që ndërroi jetë në vend. Drejtuesi i makinës është shoqëruar në polici për veprime të mëtejshme.
Policia dhe grupi hetimor po punon për sqarimin e rrethanave të aksidentit.
Njoftimi i plotë nga policia:
Më datë 05.12.2021., në orët e para të mëngjesit, në aksin rrugor Fushë Krujë- Milot, një automjet me drejtues shtetasin T. D., 53 vjeç, ka përplasur shtetasin këmbësor E. M., 67 vjeç, banues në Tiranë, i cili ka ndërruar jetë në vendngjarje.
Grupi hetimor po punon për sqarimin e rrethanave të aksidentit. Ndërsa drejtuesi i automjetit është shoqëruar në Polici për veprime të mëtejshme.