Një banesë është përfshirë nga flakët në qytetin e Fierit. Kati i pestë i pallatit është përfshirë nga flakët gjatë orëve të natës në lagjen ‘Katriot’ në Fier. Mësohet se zjarri kishte rënë në dhomën e gjumit të banesës në pronësi të personit Osman Osmani, por që aktualisht banonte me qira një familje tjetër.
Fatmirësisht nuk u raportuan dëme në njerëz, por vetëm dëme materiale. Shërbimet zjarrfikëse kanë shkuar në vendngjarje ku edhe kanë bërë të munduar shuarjen e flakëve.