Ministria e Shëndetësisë në Greqi ka publikuar të dhënat e fundit të COVID-19 atje.
Në njoftimin e tyre, bëhet e ditur se gjatë 24 orëve të fundit janë shpallur të infektuar 21.657 qytetarë. Nga ana tjetër, për fat të keq, nuk e kanë fituar betejën me COVID-in 60 qytetarë.
Kujtohet se dje, të hënën, më 27 dhjetor, janë shpallur 9284 raste dhe 66 të vdekur, ndërsa me intubacion janë trajtuar 629 pacientë. Janë kryer 95,147 teste, me një pozitivitet prej 9,76%. Një javë më parë, të martën, më 21 dhjetor, u raportuan 6424 raste dhe 77 të vdekur, ndërsa me intubacion janë trajtuar 661 pacientë.
Numri i përgjithshëm i rasteve që nga fillimi i pandemisë është 1,105,885, ndërsa janë regjistruar 20,557 vdekje. Mosha mesatare e rasteve është 38 vjeç (nga 0,2 deri në 106 vjeç), ndërsa mosha mesatare e vdekjes është 78 vjeç (varg 0,2 deri në 106 vjeç).