Kjo javë në Serie A ishte e mbushur plot me të papritura. Ndeshja e fundit që befasoi jo pak ishte ajo mes Napoli-t dhe Cagliari-t, me napoletanët që barazuan në frymën e fundit falë një goli të Osimhen. Blutë e Spallettit ishin të fundit që nuk arritën të përfitonin nga hapat fals të rivalëve.
E gjitha nisi me Milan që nuk shkoi më shumë se një barazim 2-2 në transfertë përballë Salernitana. Të gjithë rivalët “fërkuan” duart pas këtij rezultati të ekipit kryesues, mbi të gjitha festojë Inter por pikërisht zikaltërit dhuruan edhe surprizën më të madhe duke u mposhtur në shtëpi nga Sassuolo.
Nga 6 ekipet e para, asnjë nuk fitojë në këtë javë, të gjitha u ndalën në barazime ndërsa vetëm Inter bëri më keq. Pas javës së 26-të, Milan kryeson me 56 pikë, i ndjekur nga Inter me 54, por zikaltërit kanë një ndeshje më pak. Në vendin e tretë renditet Napoli me 54 pikë, i ndjekur nga Juventus dhe Atalanta.