Duke marrë shkas nga situata e krijuar në Ukrainë, UEFA ka vendosur të programojë një mbledhje urgjente ditën e nesërme. Në qendër të diskutimit do të jetë finalja e Champions League ku do do të vendoset nëse ajo do të luhet në Shën Petersburg të Rusisë (aty ku edhe është planifikuar më parë nga UEFA) apo do të ndryshojë destinacion.
Komunikimi për mbledhjen që do të zhvillohet ditën e nesërme është dhënë nga vetë UEFA. Ajo shpjegon se në orën 10:00, është thirrur një mbledhje e Jashtëzakonshme e Komitetit Ekzekutiv.
Në takim do të vlerësohet situata e krijuar dhe do të merren vendimet e nevojshme. Veç finales së Champions League, mund të merret vendim edhe për Rusi-Polonia, gjysmëfinalja e “play-off” për Botërorin e Katarit.