Situata në Ukrainë ka prekur të gjithë njerzit anë e kënd globit. Edhe në Spanjë, skuadra e Real Madrid i ka shprehur gjithë mbështetjen dhe solidaritetin portierit të tyre ukrainas, Andriy Lunin.
Lunin është me origjinë nga Kharkovi, një qytet që ndodhet më pak se 50 kilometra nga kufiri rus. Sigurisht që portieri Lunin është shumë i shqetësuar nga informacionet dhe pamjet që vijnë nga vendi i tij i origjinës. Tranjeri italian Ancelotti dhe shokët e ekipit, përpara se të fillonin seancën stërvitore në Valdebebas, janë afruar pranë portierit duke e ngushëlluar atë për situatën në Ukrainë, ndërsa klubi ka bërë me dije se është në dispozicion të tij për çdo nevojë që ai do të ketë.