E ftuar në “Breaking”, Monika Lubonja ka folur për eksperiencën e saj në “Big Brother VIP”. Ish-konkurentja ka qenë e kënaqur me mënyrën si e ka pritur publiku pas daljes, por ka theksuar se ka një “hatërmbetje” me Ilirin. Ajo mohoi të kishte ndonjë konflikt me triumfuesin e “BBVIP”, por mendonte se Iliri e përdori atë për lojën e tij.
“Unë e kam thënë gjithmonë, Iliri ishte strateg, ishte i zgjuar. Por, atij i mungonte humori, gëzimi, ajo që publiku kërkon. Ishte serioz. Nuk e kuptoj pse duhet të isha unë në mes. Unë kisha lojën time. Iliri e ka përdorur konfliktin me mua sepse nuk kishte lojë të vetën. I mbaroi loja. Ne nuk patëm sherr, apo diçka në mes. Gjithçka ishte në ajër. Por Monika u kryqëzua. Nuk e prisja që të isha mes atyre të dyve. Mendoja se mosha dhe eksperiencat tona të përbashkëta në një kohë të mëparshme do na bashkonin”, u shpreh aktorja.