Policia italiane ka goditur një bandë italo-shqiptare të trafikut të drogës.
Më shumë se 15 kilogramë drogë dhe më shumë se 25 mijë euro cash janë sekuestruar në një bastisje të policisë italiane mëngjesin e të mërkurës së 1 qershorit.
Sipas policisë italiane, grupi i trafikut të drogës transportonte 20 deri në 30 kilogramë marijuanë dhe një kilogram kokainë çdo muaj. Më pas, ata ua shisnin trafikantëve të tjerë duke krijuar një rrjet fitimprurës.
Nga operacioni të policisë kanë rënë në pranga një 30-vjeçar, një 40-vjeçar dhe një 34-vjeçar përkatësisht me kombësi italiane, shqiptare dhe marokene.