Karabinierët në Itali kanë vënë në pranga një shqiptar dhe shokun e tij italian, pasi akuzohen se kanë vjedhur nën kërcënimin e thikës një student 24 vjeç.
Të arrestuarit janë 42 dhe 27 vjeç, ky i fundit një shtetas italian dhe emër i njohur për drejtësinë atje.
Të dy e kanë kërcënuar, dhe i riu, i frikësuar, hodhi në tokë çantën e shpinës bashkë me sendet personale dhe portofolin me 200 euro.
Të dy morën çantën e shpinës dhe u larguan, por nuk arritën ta shijonin për shumë gjatë lirinë, pasi u gjurmuan dhe u arrestuan nga karabinierët.