Gjykata e Apelit ka konfirmuar dënimin me burg për shtetasit Agron Manuka dhe Imer Losha, të arrestuar 2 vite më parë, pasi u kapën duke transportuar mina me telekomandë.
Agron Manuka dhe Imer Losha janë arrestuar në 2021, pasi gjatë një kontrolli u janë gjetur 30 kallëpe me lëndë eksplozive C-4, 17 kapsolla detonatorë, 2 aparate celularë të lidhura me përcjellës elektrik, gati për t’u montuar me mina me telekomandë.
Manuka dhe Losha u ndaluan nga Policia teksa po lëviznin me mjetin e tyre në aksin e vjetër Milot-Lezhë, në fshatin Pllanë. Dyshohej se lënda e eksplozivit C4, do t’u dërgohej grupeve kriminale që operojnë në qarkun e Shkodrës.