Balla-Policisë: Miku im Rraja u vetëndëshkua, por ju ende s’keni arrestuar djalin dhe vëllanë e tij

Ministri i Brendshëm, Taulant Balla kritikoi Policinë e Shtetit, duke i kërkuar llogari pse ende nuk kanë arrestuar djali dhe vëllai i ish-deputetit socialist Rrahman Rraja. “Në takimin e parë që kam zhvilluar me drejtorin e përgjithshëm dhe të Tiranës kërkesa ime e parë ishte arrestimi i vëllait dhe djalit të ish-deputetit të Fushë-Krujës, i cili është miku dhe ish-kolegu im Rrahman Rraja. Ai u vetëndëshkua moralisht, por policia ende nuk ka bërë detyrën e saj për të ndëshkuar dy individët që kanë vendin para drejtësisë një orë e më parë”,-tha Balla.