Policia e Himarës ka vënë në pranga dy shtetas, të cilët siguronin dhe shisnin në doza lëndë narkotike.
Në pranga është vënë 40-vjeçari, banues në Gjermani që shiste doza të lëndëve narkotike MDMA dhe kanabis në qytetin e Himarës. Ky person gjatë ndjekjes nga policia është bërë burim aksidenti, duke kryer manovra me automjetin e tij që e drejtojnë në gjendje të dehur.
Shtetasi tjetër i vënë në pranga është 50-vjeçari, banues në Sarandë, që i siguronte lëndën narkotike 40-vjeçarit.
“Blutë” kanë sekuestruar doza MDMA, 280 doza kanabis, 2 aparate celulare dhe 1 automjet
Njoftimi i policisë:
Himarë/Vijojnë operacionet për goditjen e veprimtarisë kriminale të shpërndarjes së dozave të lëndëve narkotike.
Finalizohet nga Seksioni për Hetimin e Narkotikëve të DVP Vlorë, në bashkëpunim me Komisariatin e Policisë Himarë, bazuar në informacionet e siguruara nga inteligjenca policore, operacioni policor i koduar “Parts 20”.
Vihet në pranga një 40-vjeçar që shiste doza të lëndëve narkotike MDMA dhe kanabis, në qytetin e Himarës. Gjatë ndjekjes nga Policia, ky shtetas është bërë burim aksidenti, duke kryer manovra me automjetin që e drejtonte në gjendje të dehur.
Vihet në pranga një shtetas tjetër, i cili dyshohet se i siguronte lëndën narkotike 40-vjeçarit.
Sekuestrohen doza MDMA, 280 doza kanabis, 2 aparate celulare dhe 1 automjet.
Seksioni për Hetimin e Narkotikëve, në bashkëpunim me Komisariatin e Policisë Himarë, në vijim të punës për goditjen e veprimtarisë kriminale në fushën e narkotikëve, ka organizuar dhe finalizuar operacionin policor të koduar “Parts 20”, si rezultat i të cilit u arrestuan në flagrancë shtetasit:
-A. A., 40 vjeç, banues në Gjermani, për veprat penale “Prodhimi dhe shitja e narkotikëve” dhe “Drejtimi i automjeteve në mënyrë të parregullt”;
-A. M. 50 vjeç, banues në Tiranë, për veprën penale “Prodhimi dhe shitja e narkotikëve”.
Shërbimet e Policisë, bazuar në informacionet e siguruara nga inteligjenca policore, për një shtetas që shiste doza me lëndë narkotike në qytetin e Himarës, janë vënë në ndjekje të tij. Gjatë ndjekjes, në Potam, shtetasi A. A. ka kryer manovra me automjet duke u kthyer në burim aksidenti. Pas ndalimit nga Policia dhe kryerjes së testit të alkoolit, rezultoi se ky shtetas ishte në gjendje të dehur. Gjithashtu, gjatë kontrollit fizik, shërbimet e Policisë i kanë gjetur këtij shtetasi, doza të lëndëve narkotike MDMA dhe kanabis.
Nga veprimet hetimore dyshohet se ky shtetas, lëndët narkotike i siguronte nga shtetasi A. M., në banesën e të cilit, Policia gjeti një sasi tjetër lënde të dyshuar narkotike kanabis të ndarë në doza.
Sasitë e lëndëve narkotike u sekuestruan në cilësinë e provës materiale, bashkë me automjetin e shtetasit A. A. dhe 2 aparate celulare.
Materialet procedurale i kaluan Prokurorisë, për veprime të mëtejshme.