Ish-kryeministri Sali Berisha duket se i udhëzon deputetët e tij se për çfarë duhet të flasin dhe çfarë duhet të thonë, kjo sipas një fotografie të publikuar në disa media.
Në foto thuhet se shfaqet tableta e deputetes Albana Vokshi, me e-mailet e Berishës, i cili u thotë se çfarë qëndrimi duhet të mbajnë për dhunën ndaj deputetit socialist Vullnet Sinaj.
Në këtë rast, në e-mail lexohet “Sina provokoi”, pra deputetët e opozitës që u përfshinë në konfliktin fizik duhet të thonë se ishin ata që u provokuan nga Sinaj. Në fakt deputeti i PD, Bledion Nallbati tentoi t’i heqë mikrofonin Sinajt në seancën e dy ditëve më parë, dhe pasi e shtyu, e qëlloi edhe me grusht.
Direktiva, në e-mail ka edhe për çështjen e privatizimit të kompleksit Partizani dhe për deputetin socialist Vullnet Sinaj. Sa i takon çështjes për të cilën është arrestuar Jamarbër Malltezi dhe Berisha është nën hetim, në foton e publikuar shihet teksa shkruhet: “Çështja e kompleksit Partizani, dosja falsifikuar…”