Mjeku Ilir Alimehmeti ka folur si asnjëherë më parë për jetën familjare, raportin me vajzat, bashkëshorten dhe pasionet e pathëna më herët. Këto rrëfime, ai i ka bërë gjatë një interviste për “FitStation”.
Ilir Alimehmeti: Unë nuk mendoj se jeta është vetëm punë dhe shtëpi, do ishte shumë e trishtë. Që në fillore unë kam qenë në shkollë muzike, talenti ka qenë shumë i dobët por pasioni ka vazhduar, pasi kur diçka e fillon që në fëmijëri vazhdon. Njeriu duhet të eksploroj hobi të ndryshme. Dikur kam ngjitur male por u ndala në një moment për çështje kohe, më pëlqen të shijoj në çdo formë të mundshme detin. Çdo njeri i shëndetshëm ka hobi.
Moderatorja: Ju dhe bashkëshortja juaj jeni mjekë, a je një suport në familje që edhe ndoshta mund të gatuash ndonjëherë?
Ilir Alimehmeti: Ne jemi matura e 1997, për situatën që u krijua në atë kohë ne kemi emigruar herët në Itali, do të thotë që për çdo gjë duhet t’ja dilje vetë. Vetë ishe kuzhinier, vetë pastroje, vetë ishe psikolog, këshillues. Ndaj kemi eksperiencën e duhur për t’ia dalë gjithmonë.