Orjana Gremi, vajza që në muajin Janar 2023 hodhi në ujërat e lumit Kir foshnjën e saj të sapolindur është dënuar me 22 vite burgim.
Në seancën gjyqësore të mbajtur një ditë më parë në Gjykatën e Shkodrës, Gremi ka kërkuar mëshirë nga trupa gjykuese, por qe nuk është marrë në konsideratë nga gjykatësi.
Mbi të rëndon akuza e “vrasjes së të miturit”.
Ngjarja në fjalë u regjistrua më 4 Janar të vitit 2023, ditë që Gremi la spitalin e Shkodrës. Dy ditë pasi doli nga materniteti Gremi tregoi para murgeshave se e kishte hedhur fëmijën në lumin Kir.
Fëmija i porsalindur u gjet i mbështjellë me batanije brenda një qese plastmasi, gryka e së cilës ishte mbyllur me tel plastik. Në vendin ku u gjet i pajetë foshnja, policia gjeti dhe dy receta mjekësore të Orjana Gremit, biberon dhe medikamente.