Burgosi gruan, nënën dhe fëmijët në shtëpi dhe kishte vënë kamera, 35-vjeçari shtrohet në spitalin psikiatrik

Jetnor Zhaboli, 35-vjeçari i cili mbylli gruan, nënën dhe vajzën në shtëpi, do të shtrohet në spitalin psikiatrik të Tiranës. Në seancën gjyqësore të mbajtur sot, Gjykata e Tiranës vendosi ndryshimin e masës ”arrest me burg” në shtrim në spital. Vendimi erdhi pas paraqitjes së ekspertizës mjekësore, e cila e përcaktoi se Jetnori nuk ka qenë i përgjegjshëm në kohën e kryerjes së veprimeve. Ai kishte instaluar në banesë kamera vëzhgimi me të cilat kontrollonte anëtarët e familjes.