Shqiptari humbi jetën në punë, tubim nga familja dhe italianët: Të merren masa për kushtet e punës

Edison Malaj humbi jetën në vendin e punës ku ai punonte në Itali. 55-vjeç ishte babai i dy fëmijëve dhe prej 25 vitesh jetonte dhe punonte në Cosenza në ndërtim. Ai humbi jetën më 18 shkurt teksa punonte, pasi një masiv betoni u shkëput nga vinçi duke e zënë poshtë dhe duke ndërruar jetën në vend. Mbrëmjen e djeshme, 1 muaj pas vdekjes familjarët, shqiptarë që jetojnë atje, por edhe italiane të zonës kanë bërë një tubim me pankarta duke kërkuar që të merren masa për kushtet e punës.