U kap me mina, gjykata e Lezhës lë në burg 24-vjeçarin. Arkil Selimi kyç gojën dhe nuk tregon

”Arrest në burg” dha Gjykata e Lezhës për 24-vjeçarin e arrestua, pasi u kap me dy mina me telekomandë të fshehura në trup. Arkil Selimi u njoh me masën e sigurisë në seancën gjyqësore të zhvilluar me dyer të mbyllura, ndërsa mësohet se nuk ka dhënë asnjë shpjegim rreth veprimtarisë së tij dhe posedimit të minave. Dyshohet se Selimi i montonte vetë minat, me qëllim shitjen grupeve kriminale kundrejt shumave të parave që variojnë nga 1500 deri në 2500 euro, ndërsa vijojnë hetimet për identifikimin e personave të tjerë të përfshire në këtë veprimtari kriminale.