Holanda dhe Anglia po luajnë sot për gjysmëfinalen e dytë të Euro 2024 duke nisur nga ora 21:00. Ekipi fitues në “Iduna Park” do përballet më 14 korrik në Berlin me Spanjën në finalen e madhe.
Dueli mes tyre është i 23-ti në histori, teksa ‘peshorja anon’ nga ana e “Tulipanëve”. Shtatë herë duelet kanë folur për Holandën, kundrejt gjashtë fitoreve të Anglisë. Ndërkohë që nëntë herë skuadrat janë ndarë në barazim.
Ronald Koeman dhe Gareth Southgate kanë bërë edhe vendosjet në fushë, duke zbardhur edhe titullarët. Në Dortmund gjykon gjermani Felix Zuayer që ka precedentë me Jude Bellingham të Anglisë.
Ndërkohë që para ndeshjes ka pasur përplasje mes disa tifozëve të të dyja skuadrave, për fat pa lëndime.
Formacionet zyrtare:
Holanda: Verbruggen; Dumfries, De Vrij, Van Dijk, Aké; Schouten, Reijnders, Simons; Malen, Gakpo, Depay.
Anglia: Pickford; Walker, Stones, Guéhi, Trippier; Rice, Mainoo; Saka, Bellingham, Foden; Kane.