Tajlanda hap ”dyert”, shqiptarët do të udhëtojnë pa vizë

Tajlanda hap “dyert” për Shqipërinë. Shteti aziatik ka zgjeruar skemën e saj të hyrjes pa viza në 93 vende dhe territore, ndërsa kërkon të rigjallërojë industrinë e saj të turizmit. Vizitorët mund të qëndrojnë në vendin e Azisë Juglindore deri në 60 ditë sipas skemës së re që hyri në fuqi të hënën. Më parë, mbajtësit e pasaportave nga 57 vende lejoheshin të hynin pa vizë. Turizmi është një shtyllë kryesore e ekonomisë tajlandeze, por nuk është rikuperuar plotësisht nga pandemia.