Kenan Yildiz synon të bëhet lojtari më i paguar te Juventusi dhe kërkon garanci për ambiciet e klubit në vitet e ardhshme.
Juventusi pritet të rifillojë bisedimet për rinovimin e kontratës së tij në javët në vijim, veçanërisht pas emërimit të Marco Ottolinit si drejtor sportiv.
Kontrata aktuale e Yildiz skadon në qershor të vitit 2029. Takimi i fundit mes palëve ka ndodhur në fund të tetorit, pak para shkarkimit të Igor Tudor. Aktualisht, sulmuesi turk përfiton 1.7 milionë euro në sezon.
Kërkesa e tij është një pagë prej të paktën 6 milionë eurosh në sezon. Oferta e Juventusit sillet mes 4 dhe 5 milionë eurove, plus bonuse.
Diferenca financiare dhe garancitë për projektin sportiv mbeten pikat kryesore për t’u zgjidhur.