Një ditë pas protestës së tetë kombëtare të opozitës së bashkuar policia ka nisur procedimet penale. Ndryshe nga herët e tjera, kësaj radhe nuk ka persona që janë arrestuar por vetëm të proceduar në gjendje të lirë.
“BalkanWeb” raporton se Policia e Tiranës ka proceduar penalisht në gjendje të lirë 15 persona të cilët dyshohet se hodhën mjete të forta e piroteknike drejt punonjësve të policisë në protestën e tetë kombëtare të opozitës që u mbajt dje para kryeministrisë e parlamentit.