Një 65-vjeçar është arrestuar nga policia e Durrësit pasi ka tentuar të djegë me lëndë djegëse një person.
Burime jozyrtare bëjnë të ditur për tirananews.al se i arrestuari dhe “viktima”, 67-vjeçar luanin çdo ditë domino në sheshin “Pranvera” e mesa duket ka bërë hile në lojë. Ndaj 65-vjeçarit rëndon akuza për plagosje të rëndë me dashje.
Ndërkaq, K. SH 67 vjeç është transportuar në spital dhe ndodhet nën kujdesin e mjekëve.
NJOFTIMI I PLOTE
Tentoi të digjte më lëndë djegëse për motive të dobëta një shtetas, arrestohet në flagrancë autori.
Seksioni për Hetimin e Krimit në Komisariatin e Policisë Durrës në bashkëpunim me Shërbimet e Policisë së Rendit, kanë arrestuar në flagrancë shtetasin I.R., 65 vjeç, banues në Nr.6, Durrës.
Arrestimi i tij u bë pasi ky shtetas për motive të dobëta ka tentuar të djeg me lëndë djegëse shtetasin K . Sh., 67 vjeç, i cili u transportua në spital dhe ndodhet nën kujdesin e mjekëve.
Materialet hetimore i kaluan Prokurorisë pranë Gjykatës së Shkallës së parë Durrës në ngarkim të shtetasit I.R., për veprën penale “Plagosje e rëndë me dashje” parashikuar në nenin 88 të Kodit Penal.
